"Nyukasl" "Monako"nun yarımmüdafiəçisi Alaci Bambanı heyətinə qatıb

İngiltərənin "Nyukasl" klubu Fransanın "Monako" komandasının futbolçusu Alaci Bambanı transfer edib.

"Report" xəbər verir ki, bu barədə Premyer Liqa təmsilçisinin mətbuat xidməti məlumat yayıb.

20 yaşlı fransalı dayaq yarımmüdafiəçisi ilə 2031-ci ilin yayına qədər müqavilə imzalanıb.

"Transfermarkt" portalı oyunçunun dəyərini 35,5 milyon avro qiymətləndirir. O, yeni komandasında 8 nömrəli formanı geyinəcək.

A.Bamba "Monako"nun əsas komandasında 2025-ci ilin avqustunda debüt edib. Futbolçu həmin vaxtdan etibarən bütün turnirlərdə 25 oyuna çıxıb və 2 məhsuldar ötürmə ilə yadda qalıb.