"Neftçi" - "Spartak" matçının başlama saatı açıqlandı

"Neftçi"nin Sloveniya toplanışında Rusiyanın "Spartak" (Moskva) komandası ilə yoxlama matçının başlama saatı açıqlanıb.

"Report" Moskva təmsilçisinin rəsmi tvitter səhifəsinə istinadən xəbər verir ki, iyunun 29-da oynanılacaq görüş Bakı vaxtı ilə saat 19:30-da start götürəcək.

Qeyd edək ki, iyunun 18-də təlim-məşq toplanışı üçün Sloveniyaya yollanacaq "Neftçi" orada 3 yoxlama oyunu keçirəcək. "Ağ-qaralar" "Spartak"la matçdan öncə - iyunun 21-də Sloveniyanın “Olimpiya” (Lyublyana) komandası ilə üz-üzə gələcək. Ayın 25-dəki rəqib isə hələ müəyyənləşməyib.