NBA klubunun çempionluğunu qeyd edən azarkeşlər xəsarət alıblar

NBA klubu “Boston Seltiks”in çempionluğunu qeyd etmək üçün toplaşan azarkeşlər dronun qəzaya uğraması nəticəsində xəsarət alıblar.

“Report” “Fox News”a istinadən xəbər verir ki, zərərçəkənlərdən biri xəstəxanalıq olub.

Hadisə Boston meriyası binasının qarşısında keçirilən tədbirdə baş verib. Azarkeşlər son çempionluğu qeyd etmək və cari mövsümün ilk matçını izləmək üçün yığışdıqları zaman dron qəzaya uğrayıb.

Boston polisinin məlumatına görə, üç nəfər yüngül xəsarət alıb. Zərərçəkənlərin həyatı üçün təhlükə olmasa da, bir qadın xəstəxanaya yerləşdirilib.