Messi: Futbol mənim üçün puldan önəmlidir

"Barselona" futbol komandasının 33 yaşlı argentinalı hücumçusu Lionel Messi futbolun şəxsi həyatındakı əhəmiyyətindən danışıb.

Bu barədə “Report” “BarçaTimes"ə istinadən xəbər verir.

"Pul daha yaxşı yaşamağa imkan verir, amma o mənə ilham vermir. Mən futbol oynamaq üçün yaşayıram, onun maliyyə xeyrinə görə yox. Mən özüm üçün deyil, komanda üçün oynayıram", - Messi deyib.

Messinin "Barselona" ilə müqaviləsi 30 iyun 2021-ci ilə qədər qüvvədədir. Argentinalı hücumçu ötən yay Katalon klubundan getməyə cəhd edib, ancaq sonra komandada qalmağa qərar verib. Otuz üç yaşlı oyunçuya əsas iddialılar "Mançester Siti" və PSJ-dir.

Cari mövsümdə kapitan "Barselona"da 23 matçda iştirak edərək 15 qol vurub, 6 məhsuldar ötürmə edib.

️ [El Mundo] | Messi: "Money allows you to live better, but it's not what inspires me. I live to play football not for its financial benefits. I don't play for myself, I play for the team." pic.twitter.com/mvRLwQWVik

— BarçaTimes (@BarcaTimes) January 30, 2021