Mançini İtaliya millisindən ayrılacağını açıqladı

İtaliya millisinin baş məşqçisi Roberto Mançini 2022-ci ildə Qətərdə keçiriləcək dünya çempionatından sonra yığmadan ayrılacaq.

"Report"un məlumatına görə, bu barədə 57 yaşlı mütəxəssis "Tiki Taka"ya açıqlamasında deyib.

O, bunu klubda işləmək arzusu ilə əlaqələndirib: "Yerimə kimin gələcəyini bilmirəm. Bu, Massimiliano Alleqri, Karlo Ançelotti və ya Can Pyero Qasperini ola bilər".

Qeyd edək ki, 2018-ci ildən İtaliya millisinə başçılıq edən Roberto Mançini komandasını AVRO-2020-nin final mərhələsinə yüksəldib.