"Mançester Yunayted" yeni baş məşqçisi ilə 4 illik müqavilə imzalayacaq

İngiltərənin "Mançester Yunayted" klubu yeni baş məşqçisi Erik ten Haqla 4 illik müqavilə imzalayacaq.

"Report" "The Athletic"ə istinadən xəbər verir ki, artıq tərəflər arasında sözləşmə detalları ilə bağlı da razılıq əldə olunub.

Mançester təmsilçisi 52 yaşlı mütəxəssisin rəhbərlik etdiyi Niderland "Ayaks"ı ilə təzminat məsələsində anlaşmağa çalışır. Niderlandlı baş məşqçinin Amsterdam təmsilçisi ilə 2023-cü ilin yayınadək müqaviləsi var.

Qeyd edək ki, hazırda "Mançester Yunayted"in baş məşqçisi Ralf Ranqnikdir. Almaniyalı mütəxəssis müvəqqəti olaraq bu vəzifəni icra edir.