"Mançester Yunayted" "Roma"nın hücumçusunu almaq istəyir

"Mançester Siti" futbol komandasının keçmiş hücumçusu, hazırda "Roma"da çıxış edən Edin Ceko "Mançester Yunayted"ə keçə bilər.

Bu barədə “Report” “The Sun”a istinadən xəbər verir.

Məlumata görə, agentlər "qırmızı şeytanlar"a bosniyalı hücumçu ilə müqavilə imzalamağı təklif ediblər.

Bildirilir ki, Ceko "Mançester Siti"yə qayıtmaq istəyir. Futbolçunun agenti Alessandro Luççi "şəhərlilər"in nümayəndələri ilə danışıqlara başlayıb.

Edin Ceko “Roma”nın məşqçisi Paulu Fonseka ilə münaqişəyə görə komandanın əsas heyətindən ayrı məşq edir. Portuqaliyalı mütəxəssis həmçinin bosniyalı hücumçunu kapitan sarğısından məhrum edib.