"Mançester Yunayted" "Aston Villa"nı yenərək İngiltərə çempionatının ikincisi oldu

"Mançester Yunayted" futbol komandası İngiltərə Premyer Liqasının 17-ci turunun matçında öz meydanında "Aston Villa"nı qəbul edib.

“Report” xəbər verir ki, qarşılaşma meydan sahiblərinin 2:1 hesablı qələbəsi ilə başa çatıb.

"Qırmızı şeytanlar" Bertran Traorenin qoluna Antoni Marsyal və Brunu Fernandeşin dəqiq zərbələri ilə cavab veriblər.

Qələbə "Mançester Yunayted"ə xallarının sayını 33-ə çatdırmağa və çempionatda ikinci yerə yüksəlməyə imkan verib. "Aston Villa"nın aktivində 26 xal var, komanda turnir cədvəlində altıncı yerdə qərarlaşıb.

"Mançester Yunayted" növbəti turda yanvarın 12-də səfərdə "Bernli" ilə oynayacaq. "Aston Villa" bir gün sonra öz meydanında "Tottenem"i qəbul edəcək.