“Mançester Siti” qol buraxmadan İngiltərə Kubokunun finalına çıxıb

İngiltərə Kubokunun yarımfinalında “Mançester Siti” Çempionşip təmsilçisi olan “Şeffild Yunayted”i darmadağın edib – 3:0.

“Report” xəbər verir ki, “şəhərlilərin” bütün qollarını əlcəzairli Riyaz Marez vurub.

“Mançester Siti” qol buraxmadan İngiltərə Kubokunun finalına yüksəlib. Bunu edən sonuncu komanda 1965/66 mövsümündə Liverpul şəhərinin “Everton”u olub.

İkinci yarımfinal isə aprelin 23-də “Mançester Yunayted” ilə “Brayton” arasında baş tutacaq.

Qeyd edək ki, kubokun sonuncu qalibi “Liverpul”dur. Onlar ötən mövsüm finalda “Çelsi”ni məğlub edərək İngiltərə Kubokunu qazanıblar.

“Mançester Siti” sonuncu dəfə bu turnirin final mərhələsində 2019-cu ildə oynayıb. Həmin il onlar bu kubokun sahibi olmuşdular.