"Liverpul"un əfsanəsi Kennet Dalqlişdə onkoloji xəstəlik aşkarlanıb

İngiltərənin "Liverpul" klubunun sabiq hücumçusu və baş məşqçisi Kennet Dalqlişdə onkoloji xəstəlik aşkarlanıb.

"Report" xəbər verir ki, sabiq futbolçu xəstəliyi barədə məlumatı sosial şəbəkə vasitəsilə paylaşıb.

75 yaşlı şotlandiyalı mütəxəssis xərçəng xəstəliyindən müalicə kursu keçdiyini və bu prosesin uğurlu olduğunu açıqlayıb.

Qeyd edək ki, K.Dalqliş futbolçu kimi "Liverpul"un heyətində 6 dəfə İngiltərə çempionu olub, 1 dəfə ölkə kubokunu, 4 dəfə İngiltərə Liqa Kubokunu, 5 dəfə ölkə Superkubokunu, 3 dəfə Avropa Çempionlar Kubokunu və 1 dəfə Avropa Superkubokunu qazanıb. Baş məşqçi kimi isə o, komandanı 3 dəfə İngiltərə çempionluğuna daşıyıb, 2 dəfə ölkə kubokunu, 1 dəfə Liqa Kubokunu və 4 dəfə İngiltərə Superkubokunu əldə edib.