Klopp Salahın “Liverpul”u tərk etməməsinin səbəbini açıqlayıb

“Liverpul”un baş məşqçisi Yurgen Klopp komandanın hücumçusu Məhəmməd Salahın ingilis klubunda qalmaq qərarının səbəbini açıqlayıb.

“Report” xəbər verir ki, bu barədə almaniyalı çalışdırıcı BBC-yə danışıb.

“Onun bu kluba bağlılığına heç vaxt şübhəm olmayıb. Siz təsəvvür edə bilməzsiniz ki, nə qədər səs-küy qaldırılmışdı və biz nə qədər bunu sakit qəbul etdik. O bizim futbolçudur və burada oynamaq istəyir”, - mütəxəssis qeyd edib.

Xatırladaq ki, daha öncə yay transfer pəncərəsində Səudiyyə Ərəbistanının “Əl-İttihad” klubunun misirli hücumçunu transfer etmək niyyətində olduğuna dair məlumat yayılmışdı.

Qeyd edək ki, Məhəmməd Salah 2017-ci ildən “qırmızılar”ın formasını geyinir. Futbolçu ilə müqavilənin müddəti 2025-ci ilə qədərdir. Cari mövsümdə 31 yaşlı oyunçunun aktivində 2 qol və 2 məhsuldar ötürmə var.