"Kəpəz" yeni baş məşqçi ilə razılığa gəlib

Azər Bağırov "Kəpəz"lə razılığa gəlib.

Bunu "Report"a açıqlamasında mütəxəssis özü bildirib.

O, bir çox məsələlərdə razılıq əldə olunduğunu söyləyib:

"Demək olar, razılaşmışıq. Sadəcə, tam olaraq rəsmi bir şey olmadığı üçün uzun-uzadı danışa bilmərəm. İnşallah, rəsmiləşsin, hədəflərimiz barədə danışacağıq".

Qeyd edək ki, "Kəpəz" daha əvvəl baş məşqçi Adil Şükürovla vidalaşıb. Komanda Misli Premyer Liqasında keçirdiyi 6 matçda məğlub olub.

Azər Bağırov 2024/2025 mövsümündə də Gəncə klubunda işləyib.