Karlo Ançelotti Ronaldunun "Real Madrid"ə qayıtmasını istəyir

Futbol

17 avqust, 2021
06:52

Karlo Ançelotti Ronaldunun Real Madridə qayıtmasını istəyir

Karlo Ançelotti və Kriştianu Ronaldu

İspaniyanın "Real Madrid" komandasının baş məşqçisi Karlo Ançelotti İtaliya "Yuventus"unda çıxış edən Kriştianu Ronaldunu yenidən Madrid təmsilçisində görmək istəyir.

"Report" "El Chiringuito" nəşrinə istinadən xəbər verir ki, 62 yaşlı mütəxəssis transferi müzakirə etmək üçün hücumçunun ətrafı ilə təmaslara başlayıb.

"Kral klubu"nun oyunçularının çoxu 36 yaşlı forvardın qayıdışını dəstəkləyir.

Bundan əlavə, "Real Madrid" rəhbərliyinin hazırda Fransa PSJ-sində çıxış edən Kilian Mbappe ilə müqavilə imzalamağa çalışdığı iddia olunur.

Qeyd edək ki, Kriştianu Ronaldu 2018-ci ildə "Real Madrid"dən 120 milyon avro qarşılığında Turin təmsilçisinə keçib. Onun hazırkı müqaviləsi 2022-ci ilin yayında başa çatmalıdır.