İvan Brkiç “Neftçi” ilə yeni müqavilə imzalayıb

“Neftçi”nin futbolçusu İvan Brkiç klubla yeni müqavilə imzalayıb.

Bu barədə “Report”a müsahibəsində “ağ-qaralar”ın baş məşqçisi Laurentsiu Regekampf məlumat verib.

Rumıniyalı mütəxəssis bildirib ki, xorvatiyalı qapıçı mövsümün sonuna qədər olan sözləşməsini uzadıb. Adı bir neçə xarici klubla birgə hallanan 28 yaşlı qolkiper növbəti mövsümü də Bakıda keçirəcək.

Qeyd edək ki, İvan Brkiç “Neftçi”yə 2022-ci ilin yanvarında Latviya klubu “Riqa”dan keçib.

Laurentsiu Regekampfın müsahibəsinin tam versiyasını buradan oxuya bilərsiniz.