İsrailli futbolçu: "Bakıda ən yaxşı oyunumuzu nümayiş etdirməyə çalışacağıq"

"Üçüncü dəfə Azərbaycana gəlirəm. Çalışacağıq ki, ən yaxşı oyunumuzu nümayiş etdirək".

"Report"un məlumatına görə, İsrailin "Makkabi" (Təl-Əviv) komandasının futbolçusu Şeran Yeyni Bakıda "Zirə"yə qarşı keçirəcəkləri UEFA Konfrans Liqasının II təsnifat mərhələsinin ilk oyunundan öncə mətbuat konfransında deyib.

36 yaşlı israilli müdafiəçi daha əvvəl Azərbaycanda keçirdiyi matçlarda qələbə qazanmadığını bildirib: "Əvvəlki görüşlərimizdə 0:0 və 1:1 hesabı qeydə alınmışdı".

Qeyd edək ki, iyulun 21-də “Dalğa Arena”da oynanılacaq qarşılaşma saat 20:00-da başlanacaq.