İliman Ndiaye "Tottenhem"ə keçməyə razılaşıb

İngiltərənin "Everton" klubunun hücumçusu İliman Ndiaye karyerasını "Tottenhem"də davam etdirməyə razılıq verib.

"Report" insayder Fabritsio Romanoya istinadən xəbər verir ki, 26 yaşlı seneqallı forvard "Tottenhem"in futbolçusu Rişarlisonun ayrılacağı təqdirdə London klubuna keçəcək.

Daha əvvəl London klubunun oyunçu üçün 80 milyon avro ödəməyə hazır olduğu, həmçinin Rişarlisonun "Everton"a qayıdacağı bildirilib.

Qeyd edək ki, İ.Ndiaye ötən mövsüm "Everton"ın heyətində bütün turnirlərdə 34 matçda meydana çıxıb, 6 qol vurub və 3 məhsuldar ötürmə edib. Onun klubla müqaviləsinin müddəti 2029-cu ilin yayına qədərdir. "Transfermarkt" portalı futbolçunun dəyərini 55 milyon avro qiymətləndirir.