"Forbes"in siyahısı: "Çelsi"nin prezidenti ilk "10-luğ"a düşdü

İngiltərənin "Çelsi" klubunun prezidenti Roman Abramoviç 2020-ci ildə sərvətini artıran rusiyalı milyarderlər arasında ilk "10-luğ"a daxil olub.

"Report" xəbər verir ki, onun sərvəti cari ildə 1,33 milyard ABŞ dollar artaraq, 13,694 milyard ABŞ dollarına çatıb. İş adamı bu göstərici ilə "Forbes" jurnalının açıqladığı siyahının 8-ci pilləsində qərarlaşıb.

Artıma "Yevraz" şirkətinin səhmlərinin bahalaşması səbəb olub.

Qeyd edək ki, artım üzrə (11,555 milyard ABŞ dolları) birinci yeri "Anji" nin keçmiş sahibi Süleyman Kərimov tutub.