DÇ-2026: Fransa Norveçi Dembelenin qolları ilə məğlub edib - YENİLƏNİB-6

Futbol üzrə dünya çempionatında Fransa Norveçi məğlub edib.

"Report"un məlumatına görə, Boston stadionunda baş tutan I qrupunun III turunun matçında fransızlar 4:1 hesablı qələbəyə seviniblər.

Qalib gələn komandanın qollarını Usman Dembele (7, 20, 32) və Dezire Due (90+4) vurublar. Norveçin heyətində isə Tele Osqor (21) fərqlənib.

Qeyd edək ki, qrupu ikinci pillədə başa vuran Norveç pley-off mərhələsində Fildişi Sahili kollektivi ilə üz-üzə gələcək. Lider Fransa isə İsveçə münasibətlərinə aydınlıq gətirəcək.

00:17

Futbol üzrə dünya çempionatının Norveç - Fransa oyununda ikinci hissə başlayıb.

"Report"un məlumatına görə, Boston stadionunda baş tutan I qrupunun III turunun matçında fransızlar hesabda öndədirlər - 3:1.

Qarşılaşmanı ingiltərəli FIFA referisi Maykl Oliver idarə edir.

26 iyun, 23:53

Futbol üzrə dünya çempionatının Norveç - Fransa oyununda ilk hissə bitib.

"Report"un məlumatına görə, Boston stadionunda baş tutan I qrupunun III turunun matçında fransızlar hesabda öndədirlər - 3:1.

Qarşılaşmanı ingiltərəli FIFA referisi Maykl Oliver idarə edir.

26 iyun, 23:52

Futbol üzrə dünya çempionatının Norveç - Fransa oyununda dördüncü qol vurulub.

"Report"un məlumatına görə, Boston stadionunda baş tutan I qrupunun III turunun matçında fransızlar hesabdakı üstünlüklərini artırıblar - 3:1.

31-ci dəqiqədə Usman Dembele het-trik edib.

26 iyun, 23:25

Futbol üzrə dünya çempionatının Norveç - Fransa oyununda ardıcıl iki qol vurulub.

"Report"un məlumatına görə, Boston stadionunda baş tutan I qrupunun III turunun matçında əvvəlcə fransızlar hesabdakı üstünlüklərini artırıblar - 2:0.

20-ci dəqiqədə Usman Dembele uzaq məsafədən qapını dəqiq nişan alıb. 1 dəqiqə sonra isə Norveç buraxılan qollardan birinin əvəzini çıxıb.

Tele Osqor fərqlənib - 1:2.

26 iyun, 23:10

Futbol üzrə dünya çempionatının Norveç - Fransa oyununda ilk qol vurulub.

"Report"un məlumatına görə, Boston stadionunda baş tutan I qrupunun III turunun matçında fransızlar hesabda irəli çıxıblar - 1:0.

7-ci dəqiqədə Usman Dembele toru silkələyib.

26 iyun, 23:00

Futbol üzrə dünya çempionatının Norveç - Fransa oyunu başlayıb.

"Report"un məlumatına görə, I qrupunun III turunun matçı Boston stadionunda keçirilir.

Qarşılaşmanı ingiltərəli FIFA referisi Maykl Oliver idarə edir.