Bundesliqa oyunlarını oktyabrın 31-dək tamaşaçısız keçirəcək

Almaniyada idman yarışlarının tamaşaçısız keçirilməsi ilə bağlı qadağa oktyabrın 31-nə qədər uzadılacaq.

"Report" xəbər verir ki, bu barədə Sport.sky.de məlumat yayıb. 

Almaniya kansleri Anqela Merkelin sözlərinə görə, oktyabr ayının sonunadək işçi qrupu ölkədə idman tədbirlərinə tamaşaçıların qəbulu ilə bağlı təkliflər hazırlamalı olacaq.

Qeyd edək ki, Bundesliqada 2020/21 mövsümü sentyabrın 18-də başlayır. Sentyabrın 11-də Almaniya kubokunda isə ilk turunun oyunları keçiriləcək.