Bu gün "Qəbələ" UEFA Gənclər Liqasında "Şerif"lə cavab oyununa çıxacaq

Bakı. 24 oktyabr. REPORT.AZ/ Bu gün "Qəbələ"nin 19 yaşadək futbolçulardan ibarət komandası UEFA Gənclər Liqasının Çempionlar Yolunun I mərhələsində cavab oyununa çıxacaq.

"Report"un məlumatına görə, "qırmızı-qaralar" Moldovada “Şerif”in qonağı olacaq. Tiraspolda "Şerif" stadionunun kiçik arenasında təşkil ediləcək qarşılaşma Bakı vaxtı ilə saat 16:00-da başlayacaq. Görüşü Timofeo Kristofinin rəhbərliyi altında kiprli hakimlər briqadası idarə edəcək.

Bu komandalar arasında oktyabrın 3-də Qəbələ şəhər stadionunda keçirilmiş matç heç-heçə ilə nəticələnib - 1:1. Cütün qalibi növbəti mərhələdə “Herta” (Almaniya) – “Lex” (Polşa) cütünün qalibi ilə qarşılaşacaq.

UEFA Gənclər Liqası

Çempionlar Yolu

I mərhələ, cavab oyunu

16:00. “Şerif” (Moldova) - “Qəbələ” (Azərbaycan)

Hakimlər: Timofeos Kristofi, Giorgos Savva, Andreas Mixailidis (hamısı Kipr), İon Orlik (Moldova)

Tiraspol. “Şerif” stadionunun kiçik arenası

İlk oyun – 1:1.