“Braqa” klubunun prezidenti “Qarabağ”a məğlubiyyətə görə komandasını tənqid edib

Portuqaliyanın “Braqa” klubunun prezidenti Antonio Salvador UEFA Avropa Liqasının pley-off mərhələsinin ilk matçında “Qarabağ”a 2:4 hesablı məğlubiyyətə görə komandasını tənqid edib.

“Report”un “ojogo.pt” saytına istinadən məlumatına görə, futbol funksioneri Braqadakı oyunun ardından komandanın paltardəyişmə otağına yollanıb.

O, orada yüksək səslə futbolçuları tənqid edib, onlara sərt mesajlar verib. Komandanın sərgilədiyi oyundan narazılığını dilə gətirən prezident Portuqaliya çempionatının növbəti matçında və “Qarabağ”la cavab görüşündə onların qarşısına qələbə tələbi qoyub.

Qeyd edək ki, “Qarabağ”la “Braqa” arasında cavab görüşü fevralın 22-də Tofiq Bəhramov adına Respublika stadionunda keçiriləcək.