"Beşiktaş"ın Avropa Liqasının 1/8 final mərhələsindəki rəqibi müəyyənləşib

Bakı. 24 fevral. REPORT.AZ/ Futbol üzrə Avropa Liqasında 1/8 final mərhələsinin püşkatma mərasimi keçirilib. 

"Report"un məlumatına görə, püşk nəticəsində Türkiyənin mübarizəni davam etdirən yeganə təmsilçisi "Beşiktaş"ın da rəqibi müəyyənləşib.

Bu, Yunanıstanın "Olimpiakos" komandasıdır. "Olimpiakos" 1/16 final mərhələsində Türkiyənin digər təmsilçisi "Osmanlıspor"u mübarizədən kənarlaşdırıb - 0:0, 3:0. 

Püşkün nəticələri:

"Selta" (İspaniya) - "Krasnodar" (Rusiya)

APOEL (Kipr) - "Anderlext" (Belçika)

"Şalke" (Almaniya) - "Borussiya" (Mönxenqladbax, Almaniya)

"Lion" (Fransa) - "Roma" (İtaliya)

"Rostov" (Rusiya) - "Mançester Yunayted" (İngiltərə)

"Olimpiakos" (Yunanıstan) - "Beşiktaş" (Türkiyə)

"Gent" (Belçika) - "Genk" (Belçika)

"Kopenhagen" (Danimarka) - "Ayaks" (Hollandiya)

Qeyd edək ki, püşk nəticəsində adları birinci göstərilən komandalar ilk oyunlarını evdə keçirəcəklər. 1/8 final matçları martın 9-da və 16-da olacaq.