"Barselona"nın qapıçısı bərpa məşqlərinə başlayıb

İspaniyanın "Barselona" klubunun qapıçısı Mark-Andre ter Ştegen diz qapağı vətərinin ciddi zədələnməsindən sonra bərpa prosesi çərçivəsində meydanda məşqlərə başlayıb.

"Report" xəbər verir ki, bu barədə Kataloniya klubunun mətbuat xidməti məlumat yayıb.

Qeyd edək ki, İspaniya çempionatının VI turunda "Vilyarreal"la qarşılaşmada (5:1) zədələnən 32 yaşlı almaniyalı qolkiper bu mövsüm bütün turnirlərdə 7 oyunda iştirak edib.

Onun klubla hazırkı müqaviləsinin müddəti 2028-ci ilin yayına qədərdir.