"Barselona" baş məşqçisini istefaya göndərdi

İspaniya "Barselona"sı baş məşqçisi Kike Setyenlə yollarını rəsmən ayırıb.

"Report" klubun rəsmi saytına istinadən xəbər verir ki, qərar idarə heyətinin bu gün keçirilən iclasında qəbul olunub.

Kataloniya təmsilçisi ilə 2022-ci ilin yayınadək müqaviləsi olan ispaniyalı mütəxəssislə əməkdaşlığa son qoyulub.

Yerli mətbuat komandanın yeni baş məşqçisinin hazırda Niderland millisinə rəhbərlik edən Ronald Kuman olacağını iddia edir. Onunla 3 illik sözləşmə imzalanacaq.

Qeyd edək ki, Setyenin başçılığı altında La Liqada çempionluğu əldən verən "Barselona" UEFA Çempionlar Liqasında isə Almaniya "Bavariya"sına 2:8 hesabı ilə uduzub.