Azərbaycanlı hakim Serbiya-İspaniya oyununa təyinat alıb

Bakı. 3 may. REPORT.AZ/ Azərbaycanlı hakim Rza Məmmədovun 17 yaşadək futbolçulardan ibarət komandalar arasında Avropa çempionatının final mərhələsində təyinat aldığı ikinci oyun müəyyənləşib.

"Report"un UEFA-nın saytına istinadən verdiyi məlumata görə, FİFA referisinin köməkçisi D qrupunun Serbiya-İspaniya oyununda yan xətt hakimi olacaq. 

Qarşılaşmanın baş hakimi isə rumıniyalı Horatio Fesnik olacaq. 

Qeyd edək ki, Serbiya-İspaniya matçı mayın 6-ı Bakı vaxtı ilə saat 20:45-də başlanacaq. R.Məmmədov həmçinin bu gün baş tutacaq Portuqaliya-Norveç oyununda da yan xətt hakimi funksiyasını yerinə yetirəcək. Avropa çempionatının final mərhələsi mayın 20-dək İngiltərədə keçiriləcək.