Azərbaycanın U-20 millisi Qəbələdə təlim-məşq toplanışını davam etdirir

20 yaşadək futbolçulardan ibarət Azərbaycan millisinin Qəbələdə təlim-məşq toplanışı davam edir.

"Report"un Qəbələyə ezam olunmuş əməkdaşı xəbər verir ki, hazırlıq prosesi Qəbələ şəhər stadionunda təşkil olunur.

Oyunçular portuqaliyalı baş məşqçi Ruy Jorjenin rəhbərliyi ilə müxtəlif təmrinləri yerinə yetirirlər.

Xatırladaq ki, U-20 aprelin 26-dək Qəbələdə təlim-məşq toplanışında olacaq. Komanda 2027-ci ildə Azərbaycan və Özbəkistanda keçiriləcək FIFA U-20 dünya çempionatında iştirak edəcək.