Azərbaycan yığmasının rəqibi hücumçu itkisi ilə üzləşib

Futbol

12 noyabr, 2018
20:18

Azərbaycan yığmasının rəqibi hücumçu itkisi ilə üzləşib

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 13 noyabr. REPORT.AZ/ Azərbaycan və Malta ilə keçirəcəyi UEFA Millətlər Liqasının son iki səfər oyunu ərəfəsində Farer adaları yığmasının heyətində futbolçu itkisi baş verib.

"Report"un Farer adaları Futbol Federasiyasının rəsmi saytına istinadən məlumatına görə, hücumçu Yohan Suymun Edmundsson "Arminiya"nın heyətində "İnqolştadt"la Almaniyanın II Bundesliqa matçında dizindən zədələnib. Baş məşqçi Lars Olsen 27 yaşlı oyunçunu "B36 Torshavn"ın 21 yaşlı forvardı Maynhard Egilsson Olsenlə əvəzləyib.

Qeyd edək ki, Farer adaları yığması Azərbaycanla noyabrın 17-də Bakı Olimpiya Stadionunda, Malta ilə noyabrın 20-də Ta Qali Milli Stadionunda üz-üzə gələcək.