Azərbaycan Premyer Liqasında həftənin rəmzi komandası və ən yaxşı futbolçusu açıqlanıb

Futbol üzrə Azərbaycan Premyer Liqasında XX turun rəmzi komandası açıqlanıb.

"Report" Peşəkar Futbol Liqasının rəsmi "Facebook" səhifəsinə istinadən xəbər verir ki, “InStat” şirkətinin təhlili əsasında "11-liy"ə "Neftçi" və "Keşlə"dən hərəyə 4, "Qəbələ"dən 2, "Zirə"dən isə 1 futbolçu düşüb.

Qapıçı: Kamal Bayramov (“Zirə”)

Müdafiəçilər: Azər Salahlı (“Keşlə”) - 3, Kiril Petrov (“Neftçi”) - 4, Mamadu Mboc (“Neftçi”), Cabir Əmirli (“Keşlə”) - 2

Yarımmüdafiəçilər: Stiven Monroz (“Qəbələ”) - 5, Valeri Kutsenko (“Keşlə”), Mamadu Kane (“Neftçi”), Namiq Ələsgərov (“Neftçi”)

Hücumçular: Conatan Ayite (“Keşlə”), Ceyms Adeniyi (“Qəbələ”) - 6

Həftənin oyunçusu adına isə "Səbail" komandası ilə görüşdə dubl" edən Adeniyi layiq görülüb. 

Qeyd edək ki, futbolçunun adının qarşısındakı rəqəm rəmzi komandaya düşmə sayını göstərir.