Azərbaycan millisinin legioneri zədəsini sağaldıb

21 yaşadək futbolçulardan ibarət Azərbaycan millisinin və Ukrayna "Aleksandriya"sının yarımmüdafiəçisi Emil Mustafayev zədəsini sağaldıb.

"Report"un məlumatına görə, bu barədə Aleksandriya şəhərinin eyniadlı təmsilçisinin baş məşqçisi Yuri Qura klubun rəsmi saytına açıqlama verib.

Onun sözlərinə görə, 20 yaşlı oyunçu hazırda bərpa prosesi keçir: "Tibbi xidmətimiz hər şeyi nəzarət altında saxlayır. Ümid edirik ki, bütün zədəlilər sıraya mümkün qədər tez qayıdacaq".

Qeyd edək ki, Emil Mustafayev Azərbaycan millisinin Norveçə 1:2 hesabı ilə uduzduğu Avropa çempionatının seçmə oyununda zədələnib.