Avropada bütün yarışlar sentyabra qədər dayandırıla bilər

Koronavirus epidemiyasına görə dayandırılmış Avropa turnirləri sentyabrdan tez olmayaraq davam etdirilə bilər.

“Report” xəbər verir ki, bu barədə “The Independent” bildirib.

Qeyd edilir ki, İngiltərə Premyer Liqası və başqa Avropa liqalarının rəhbərləri çempionatların sentyabra qədər yenilənməməsinə hazırdır. UEFA AVRO-2020-ni təxirə salmağa və bütün qitə üzrə futbol matçlarının keçirilməsini dayandırmağa hazırdır.

Daha əvvəl bildirilirdi ki, UEFA 17 martda keçiriləcək konfransda Avropa çempionatının 2021-ci ilə təxirə salınması haqqında rəsmi qərarı elan edəcək.