"Arsenal"ın baş məşqçisi: "Özilin ayrılmasını görmək kədərlidir"

İngiltərənin "Arsenal" klubunun baş məşqçisi Mikel Arteta Mesut Özilin Türkiyə "Fənərbağça"sına keçidindən danışıb.

"Report"un məlumatına görə, 39 yaşlı mütəxəssis 33 yaşlı yarımmüdafiəçinin hazırda Türkiyədə olduğunu xatırladıb.

Arteta Mesutun tibbi müayinədən keçəcəyini və bəzi sənədləşmə işlərinin aparılacağını vurğulayıb: "Keçid baş tutan kimi bu barədə rəsmi məlumat verəcəyik. Bu cür oyunçuların klubdan ayrılmasını görmək kədərlidir".

Qeyd edək ki, Mesut Özil 2013-cü ildən "Arsenal"da çıxış edir. Onun tezliklə "Fənərbağça" ilə müqavilə imzalayacağı gözlənilir.