ANOC dünya çempionatının iki ildən bir keçirilməsinə qarşı çıxıb

Milli Olimpiya Komitələri Assosiasiyası (ANOC) futbol üzrə dünya çempionatının iki ildən bir təşkili ehtimalına münasibət bildirib.

"Report" "Insidethegames" nəşrinə istinadən xəbər verir ki, ANOC-un prezidenti vəzifəsini icra edən Robin Mitçell məsələ ilə bağlı açıqlama verib.

Funksioner dəyişikliyin Milli Olimpiya Komitələrinin yerli federasiyalarına təsir edəcəyini və bu səbəbdən narahat olduqlarını söyləyib. Onun sözlərinə görə, mundiala iki ildən bir ev sahibliyi etmək qitə yarışlarına, həmçinin gender bərabərliyinə və oyunçuların sağlamlığına da təsir göstərəcək.

Qeyd edək ki, növbəti dünya çempionatı 2022-ci il 21 noyabr - 18 dekabrda Qətərdə keçiriləcək. Yarış hazırda 4 ildən bir təşkil olunur.