Almaniyanın "Leyptsiq" klubunun futbolçusu Azərbaycan yığmasına qarşı oynaya bilməyəcək

Futbol

23 mart, 2017
06:33

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 23 mart. REPORT.AZ/ "Leyptsiq" klubundan Almaniya yığmasına ilk dəfə çağırılmış futbolçu Tim Verner Azərbaycan milli komandasına qarşı 2018-ci il Dünya Çempionatının seçmə qrup matçında çıxış edə bilməyəcək. "Report"un məlumatına görə, buna 21 yaşlı hücumçunun İngiltərə ilə yoldaşlıq görüşündə zədələnməsi səbəb olub.

Verner baldır əzələsindən aldığı zədə üzündən 77-ci dəqiqədə əvəzlənməli olub. Baş məşqçi Yoahim Löv zədənin ciddi olduğunu və gənc forvardın evinə yola salınacağını bildirib: "Vernerdən Azərbaycanla oyunda yararlana bilməyəcəyik".

Qeyd edək ki, Bundestim Azərbaycan millisi ilə martın 26-da Tofiq Bəhramov adına Respublika stadionunda üz-üzə gələcək. Görüş saat 20:00-da başlanacaq.