İranə Əhmədova: "Formula 1" üzrə Azərbaycan Qran-prisində könüllülərin hazırlığına böyük önəm verilib"

"Formula 1" üzrə Azərbaycan Qran-prisində könüllülərin hazırlanma mərhələsinə də böyük önəm verilib.

"Report"un məlumatına görə, bu barədə Bakı Şəhər Halqası Əməliyyat Şirkətinin İnsan Resursları və İşçi Qüvvəsi şöbəsinin rəhbəri İranə Əhmədova jurnalistlərə açıqlama verib.

O, könüllülərin yarışın təşkilinə dəstək olduqlarını xatırladıb:

"Artıq yarışın ən həyəcanlı anları yaşanır. "Formula 1" könüllüləri Bakı Şəhər Halqasının ayrılmaz hissəsidir. Onlar bizim üçün önəmli istiqamətlərin hamısında dəstək göstərirlər. Könüllülərin hazırlanma mərhələsinə də böyük önəm verilib. Onlar işlərini yüksək səviyyədə yerinə yetirəcəklər".

İ.Əhmədova könüllü qeydiyyatında rekord qeydə alındığını xatırladıb:

"Hər il yarışa maraq durmadan artır. Könüllü olmaq istəyənlər müraciətlər edirlər. Bu dəfə 49 min müraciət aldıq. Hamısı bizim üçün dəyərlidir. Amma seçim etməli idik".

Qeyd edək ki, Azərbaycan Qran-prisi sentyabrın 26-da yekunlaşacaq.