“Formula 1”: Maks Ferstappen Niderland Qran-prisində sıralama turunun qalibi olub

“Red Bull” komandasının pilotu Maks Ferstappen “Formula 1” üzrə dünya çempionatının Niderland Qran-prisində sıralama turunun qalibi olub.

“Report”un məlumatına görə, niderlandlı sürücü ən yaxşı dövrəni 1 dəqiqə 10,567 saniyəyə qət edib.

İkinci pilləni “McLaren”in pilotu Lando Norris (+0,537), üçüncü yeri isə “Mercedes” komandasından Corc Rassell (+0,727) tutub.

Sessiya bazar günü keçiriləcək yarışın start sıralamasını müəyyən edib.

Qeyd edək ki, Niderland Qran-prisi avqustun 27-də baş tutacaq.