Teymur Rəcəbov: "Nəticənin yaxşı və ya pis olması önəmli deyil"

"Grand Chess Tour" seriyası möhtəşəmdir. Bu turnirin bir parçası olduğum üçün xoşbəxtəm".

"Report"un məlumatına görə, bu fikirləri Azərbaycan şahmatçısı Teymur Rəcəbov özünün instaqram səhifəsində yazıb.

Fransanın paytaxtı Parisdəki "Grand Chess Tour" seriyasının IV mərhələsindəki çıxışını dəyərləndirən 34 yaşlı qrossmeyster nəticələrin yaxşı və ya pis olmasının heç bir məna kəsb etmədiyini bildirib: "Hər turnir hazırlıq məqsədi daşıyır. Əsas mübarizə dünya şahmat tacı uğrunda gedir".

Qeyd edək ki, Teymur Rəcəbov turniri 9-cu pillədə başa vurub.