Rafael Nadal tezliklə korta qayıdacağına ümid edir

İspaniyalı tennisçi Rafael Nadal tezliklə korta qayıdacağına ümid edir.

"Report"un məlumatına görə, dünya tennisinin ulduzu "Mundo Deportivo"ya açıqlamasında yenidən oynayacağına ürəkdən inandığını bildirib.

Nadal əvvəlkindən daha çox çalışdığını və geri qayıtmaq planından imtina etmədiyini söyləyib.

37 yaşlı ispaniyalı 2023-cü ildə Avstraliya Açıq çempionatında zədələndikdən sonra turnirlərdə iştirak etmir. İyunun əvvəlində o, sol ayağından əməliyyat olunub.

Qeyd edək ki, Rafael Nadal Böyük Dəbilqə turnirlərinin 22 qat qalibidir.