Paris-2024: Azərbaycan cüdoçusu ciddi zədə alıb, xəstəxanaya aparılıb

Azərbaycan cüdoçusu Elcan Hacıyev Fransanın paytaxtı Parisdə keçirilən Yay Olimpiya Oyunlarının 1/8 final görüşü zamanı ciddi zədə alıb.

"Report"un turnirə ezam olunmuş əməkdaşının məlumatına görə, 90 kq çəki dərəcəsində yer alan idmançı fransalı Nqayap Hambuya uduzduğu qarşılaşmada zədələnib.

Hacıyev xəstəxanaya aparılıb və ilkin müayinə nəticəsində çiynində sınıq aşkarlanıb.

Qeyd edək ki, Elcan 1/16 finalda Türkiyə idmançısı Mixael Zqanka qalib gəlib. Paris-2024 avqustun 11-də başa çatacaq.