Əfsanəvi basketbolçu Kobe Brayant helikopter qəzasında ölüb - FOTO

İki qat Olimpiya çempionu, Amerika Milli Basketbol Liqasının (NBA) beşqat çempionu, amerikalı Kobe Brayant ABŞ-da helikopter qəzasında ölüb.

“Report” xəbər verir ki, bu barədə “TMZ” məlumat verib.

Dünya basketbolunun əfsanələrindən olan 41 yaşlı Kobe Brayantın şəxsi helikopteri Los-Anceles (Kaliforniya) yaxınlığında qəzaya uğrayıb. İdmançı da daxil olmaqla 5 nəfər həyatını itirib. 

Bildirilib ki, qəza zamanı ölənlərdən biri basketbolçunun 13 yaşlı qızı Gianna Brayantdır. Onların helikopterlə məşqə getdikləri güman edilir.