Azərbaycanlı cüdoçu: "Qələbəmi şəhidlərə həsr edirəm"

"Ölkəmizin çətin günlərində medal qazandım".

"Report"un məlumatına görə, bunu Macarıstanın paytaxtı Budapeştdəki Böyük Dəbilqə turnirində bürünc medal qazanan cüdoçu Orxan Səfərov deyib.

66 kq çəki dərəcəsində mübarizə aparan idmançı qələbəni şəhidlərə həsr etdiyini bildirib: "Azərbaycan haqq yolundadır, hər şey yaxşı olacaq. Qarabağ bizimdir və bizim olacaq".

Qeyd edək ki, Orxan Səfərov bürünc medal uğrunda görüşdən sonra əsgər salamı verib.