Azərbaycanın olimpiya mükafatçısı karyerasını bitirib

Azərbaycanın qadın cüdoçusu İrina Kindzerska (78 kq) karyerasını başa vurub.

Bu barədə "Report"a geniş müsahibəsində Azərbaycan Cüdo Federasiyasının baş katibi Rəşad Rəsullu məlumat verib.

Onun sözlərinə görə, Tokio-2020 Yay Olimpiya Oyunlarının bürünc mükafatçısı bundan sonra idmana geri qayıtması mümkün görünmür.

Rəsullu Ukrayna əsilli cüdoçunun Bakıda olmadığını bildirib: "Avropa ölkələrindən birində qohumlarının yanında yaşayır. Sonuncu dəfə danışanda özü demişdi".

Baş katib "Kindzerskanın ev problemi həllini tapdımı" sualına isə bu cür cavab verib: "Bu sual düzgün ünvanlanmayıb (gülür). Kiməsə ev verilməsi bizim səlahiyyətimizdə olan məsələ deyil".

Qeyd edək ki, Rəşad Rəsullunun müsahibəsini yanvarın 10-da "Report"da oxuya bilərsiniz.