Azərbaycanın kyokuşin karate yığması Avropa çempionatında mübarizə aparacaq

Azərbaycanın "kyokuşin (kay) senşi karate" üslubu üzrə yığması Polşanın Belostok şəhərində keçiriləcək Avropa çempionatında iştirak edəcək.

Bu barədə "Report"a Azərbaycan Karate Federasiyasından (AKF) bildirilib.

AKF-nin baş katibi Qabil Sayadovun və baş məşqçisi Fərhad Məmmədovun rəhbərliyi altında ölkəmizi nüfuzlu beynəlxalq yarışda Kərim Eyubov, Sahil Musazadə, Ülvi Həziyev, Vüqar Sayadov, İlkin Səmədov, Cavid Kazımlı, Cəmil Kazımlı, Selcan Babayeva, Vaqif Bəndəliyev və Rəhman Yusubov təmsil edəcəklər.