Azərbaycan güləşçisi Yusif Dursunov Serbiyada Avropa çempionatının gümüş medalını qazanıb

Azərbaycanın daha bir sərbəst güləşçisi Yusif Dursunov (125 kq) Serbiyanın Zrenyanin şəhərində təşkil olunan U-23 Avropa çempionatında gümüş medal qazanıb.

"Report"un yarışa ezam olunan əməkdaşının məlumatına görə, o, finalda rusiyalı Habib Davudqadjiyevə uduzub.

Qeyd edək ki, daha əvvəl sərbəst güləşçilərdən Ali Tsokayev (92 kq) Avropa çempionu olub, Ceyhun Allahverdiyev (61 kq), Vasif Bağırov (57 kq), Səbuhi Əmiraslanov (79 kq) gümüş, Musa Ağayev (65 kq), Ramik Heybətov (70 kq) və Zəfər Əliyev (97 kq) bürünc medal qazanıblar.

Avropa çempionatına martın 15-də yekun vurulacaq.