Azərbaycan şahmatçısı İddiaçılar Turnirində iştirak edəcək

Azərbaycan şahmatçısı Nicat Abasov İddiaçılar Turnirində iştirak edəcək.

"Report" xəbər verir ki, bu barədə Beynəlxalq Şahmat Federasiyasının rəsmi saytında məlumat yayılıb.

Norveçli qrossmeyster Maqnus Karlsen FIDE-yə məktub göndərərək, İddiaçılar Turnirinə qatılmayacağını təsdiqləyib. Onun əvəzinə yarışa vəsiqə Bakıdakı Dünya Kubokunda 4-cü yeri tutan N.Abasova verilib.

Qeyd edək ki, İddiaçılar Turniri bu ilin aprelində Kanadanın Toronto şəhərində keçiriləcək. Turnirin qalibi Şahmat Tacı uğrunda görüşdə hazırkı dünya çempionu Din Lirenlə (Çin) qarşılaşacaq.