Azərbaycan gimnastları beynəlxalq turnirdə 15 medal qazanıblar

Bədii gimnastika üzrə Azərbaycan millisinin üzvləri Bosniya və Herseqovinanın paytaxtı Sarayevoda keçirilən “Suada Dilberoviç” turnirində 15 medal qazanıblar.

Federasiyadan "Report"a verilən məlumata görə, onlardan 5-i qızıl, 5-i gümüş və 5-i bürünc əyarlıdır.

Alina Məmmədova üç qızıl (çoxnövçülük, halqa, top), bir gümüş (lent), bir bürünc ( gürzlər), Leyli Ağazadə iki qızıl (gürzlər, lent), iki gümüş (çoxnövçülük, halqa), bir bürünc ( top), Mədinə Dəmirova isə iki gümüş ( top, gürzlər) və üç bürünc ( çoxnövçülük, lent, halqa) medala sahib çıxıb.