Avstraliyalı üzgüçü Dünya Kubokunda rekorda imza atıb

Avstraliyalı üzgüçü Lani Pallister Kanadanın Toronto şəhərində keçirilən Dünya Kubokunda rekorda imza atıb.

"Report" xarici KİV-ə istinadən xəbər verir ki, 23 yaşlı idmançı bunu 800 metr məsafəyə sərbəst üsulla üzmədə reallaşdırıb.

Məsafəni 7 dəqiqə 54 saniyəyə qət edən Pallister 2022-ci ildə amerikalı Keti Ledekinin sahib olduğu rekordu (7 dəqiqə 57,42 saniyə) qırıb.

Qeyd edək ki, L.Pallister ikiqat dünya çempionu, həmçinin qısa məsafələr üzrə keçirilən dünya birinciliklərinin beşqat qalibidir.