“Ukrtransnafta” növbəti partiya Azərbaycan neftini satışa çıxarır

Bakı. 20 iyul. REPORT.AZ/ “Ukrtransnafta” iyulun 24-də növbəti dəfə “Cənub” dəniz neft terminalının rezervuarlarından “Azeri Light” markalı nefti satışa çıxaracaq.

“Report” “Enkorr” saytına istinadən xəbər verir ki, bu barədə Ukrayna Enerji Birjasının bülletenində qeyd olunub.

Dəniz terminalının rezervuarlarında daha 70 min ton “Azeri Light” markalı neft saxlanılır.

Qeyd edək ki, “Ukrtransnafta” şirkəti Ukraynada neft nəqliyyat sisteminin operatorudur. “Ukrtransnafta” “Cənub” terminalından 25 min ton “Azeri Light” markalı neft satıb.