TAP Yunanıstan və İtaliya üçün qaz tədarükü həcmlərini açıqlayıb

Azərbaycan təbii qazını Avropaya nəql edən Trans-Adriatik Boru Kəmərinin (TAP) Yunanıstanın Kipoi çıxış nöqtəsindən mayın 8-də qaz tədarükü üçün 333 milyon 516 min 123 kVt/saat həcmində sifariş alınıb.

Bu barədə “Report” TAP-ın elektron platformasına istinadən xəbər verir.

Qeyd olunur ki, mayın 9-dan 14-dək hər gün üçün qaz tədarükü sifarişləri 311 milyon 525 min 291 kVt/saat təşkil edib.

Belə ki, Yunanıstanın Komotini çıxış nöqtəsindən mayın 8-i üçün sifarişlər 34 milyon 390min 675 kVt/saat həcmindədir. Mayın 9-dan 14-dək isə hər gün üçün gündəlik sifarişlər 28 milyon 670 min 675 kVt/saat həcmində qeydə alınıb.

Yunanıstanın Nea Mesimvria çıxış nöqtəsindən isə mayın 8-dən 14-dək hər gün üçün 30 milyon 346 min 301 kVt/saat həcmində qaz sifariş edilib.

İtaliyanın Melenduqnoya çıxış növqtəsinə gəlincə isə, qazın tədarükü üçün mayın 8-nə 271 milyon 999 min 147 kVt/saat, mayın 9-dan 14-dək isə hər gün üçün 249 milyon 908 min 315 kVt/saat həcmində sifarişlər edilib.

Xatırladaq ki, 2022-ci ildə Azərbaycan qaz ixracını 18 % artıraraq 22,3 milyard kubmetrə, Avropaya tədarük isə 11,4 milyard kubmetrə çatıb.

Trans-Adriatik Boru Kəmərinin tikintisi 2020-ci ilin oktyabrında başa çatıb. TAP-ın ümumi uzunluğu 878 km-dir ki, bunun da 550 km-i Yunanıstanın şimal hissəsindən, 215 km-i Albaniya ərazisindən, 105 km-i Adriatik dənizinin dibi ilə, 8 km-i isə İtaliya ərazisindən keçir. Azərbaycan qazının TAP vasitəsilə İtaliya, Yunanıstan və Bolqarıstandakı istehlakçılara tədarükünə 2020-ci il dekabrın 31-dən başlanılıb.