SOCAR qaz hasilatı proqnozunu 97 % yerinə yetirib

2020-ci ildə Azərbaycan Dövlət Neft Şirkəti (SOCAR) üzrə qaz hasilatı proqnozu 97 % yerinə yetirilərək 7 milyard 344 milyon kubmetr olub.

“Report” xəbər verir ki, bu barədə SOCAR-ın saytında dərc olunan şirkətin 2020-ci il üzrə illik hesabatında deyilir.

Hesabata əsasən, bu, 2019-cu il ilə müqayisədə 525,4 milyon kubmetr çoxdur.

Hesabat dövründə SOCAR tərəfindən “Azəri-Çıraq-Günəşli” (AÇG) yataqlar blokundan 2 milyard 190,9 milyon kubmetr qaz qəbul edilib, “Şahdəniz” yatağından isə 5 milyard 646,6 milyon kubmetr qaz alınıb.

Hesabata əsasən, 2020-ci ildə respublika üzrə 37,1 milyard kubmetr qaz hasil olunub. 2019-cu il ilə müqayisədə qaz hasilatı isə 1,5 milyard kubmetr çox olub.