SOCAR AQŞ “Qərbi Abşeron” yatağında daha bir quyu tikintisini başa çatdırıb

Bakı. 10 sentyabr. REPORT.AZ/ SOCAR AQŞ 10 saylı stasionar dəniz özülündən faktiki dərinliyi 762 m olan 63 saylı quyunun tikintisi işlərini təhlükəsiz və ətraf mühitə heç bir ziyan vurmadan uğurla yekunlaşdırıb. 

Bu barədə “Report”a şirkətdən məlumat verilib.

Məlumatda bildirilir ki, SOCAR AQŞ həmişə olduğu kimi bu və növbəti quyuları da Sağlamlıq, Texniki Təhlükəsizlik və Ətraf Mühitin Mühafizəsi (STTƏMM) tələblərinə uyğun, heç bir mürəkkəbləşməyə yol vermədən, nəzərdə tutulan vaxtdan tez və iqtisadi səmərəli şəkildə tikərək sifarişçiyə təhvil verəcək.

Sifarişçi SOCAR-ın “Azneft” İstehsalat Birliyidir.